Երկրի Հրովարտակի նախաձեռնությունը

Երկրի Հրովարտակի նախաձեռնություն

«Երկրի Հրովարտակի նախաձեռնությունը»՝ Երկրի Հրովարտակի սկզբունքները ու արժեքները տարածող և իրականացնող մարդկանց, կազմակերպությունների, կառույցների աննախադեպ բազմազան գլոբալ ցանցի հավաքական անվանումն է:

Նախաձեռնությունը իրենից ներկայացնում է քաղաքացիական հասարակության լայնածավալ ու կամավոր շարժում: Այդ շարժման մասնակիցներն են՝ միջազգային առաջավոր կառույցները, երկրների կառավարությունները ու հիմնարկները, համալսարանները, հասարակական կազմակերպությունները և համայնքները, քաղաքապետարանները, կրոնական խմբերը, դպրոցներն և գործարարների խմբերը, ինչպես նաև Հազարավոր անհատները:

Բազմաթիվ կազմակերպություններ պաշտոնապես ընդունել են Երկրի Հրովարտակը, կիրառում են այն կամ տարածում դրա արժեքները, բազմաթիվ այլ կազմակերպություններ կիրառում և աջակցում են Երկրի Հրովարտակի գաղափարների տարածմանը առանց դրա պաշտոնական ճանաչմանը:

Միջազգային Երկրի Հրովարտակ (ՄԵՀ)

ՄԵՀ կազմակերպությունը կազմված է ՄԵՀ Խորհրդից և Քարտուղարությունից: Այս միջազգային հասարակական կազմակերպությունը ստեղծվել է Երկրի Հրովարտակի գաղափարի և առաքելության առաջխաղացմանը օժանդակելու համար: ՄԵՀ-ը գործում է Երկրի Հրովարտակի տարածման, ճանաչման, կիրառման և իրագործման, ինչպես նաև Երկրի Հրովարտակի Նախաձեռնության զարգացմանը օժանդակելու ուղղությամբ: ՄԵՀ-ը ստեղծվել է 2006 թ.՝Երկրի Հրովարտակի նախաձեռնության գործունեության վերակառուցման և ընդլայնման գործընթացի շրջանակներում:

Հարկ է նշել, որ թեև ՄԵՀ կազմակերպությունը իրականացնում է նախաձեռնության ընդհանուր ղեկավարումը և նախանշում է դրա երկարաժամկետ ռազմավարությունը, նա անմիջականորեն չի ղեկավարում և չի վերահսկում նախաձեռնության գործունեությունը: Բառի բուն իմաստով ոչ ոք չի ղեկավարվում Երկրի Հրովարտակի նախաձեռնությամբ: Խորհուրդը պատասխանատու է միայն ՄԵՀ կազմակերպության ղեկավարման համար:

Երկրի Հրովարտակի hանձնաժողով

Երկրի Հրովարտակի Միջազգային Հանձնաժողովը ստեղծվել է Երկրի Խորհուրդ և Կանաչ Խաչ միջազգային կազմակերպությունների կողմից 1997 թ. սկզբին՝ անկախ միջազգային կառույցի կարգավիճակով: Հանձնաժողովը հսկում ու համակարգում էր Երկրի Հրովարտակի քննարկման ու մշակման գործընթացը, հավանություն տալով Հրովարտակի վերջին տեքստին և 2000 թ. ներկայացնելով Երկրի Հրովարտակը երկրագնդի հանրությանը: Հանձնաժողովը ճանաչվել է որպես Երկրի Հրովարտակի տեքստի ավանդապահ, Հանձնաժողովի անդամները հանդիսանում են ՄԵՀ կազմակերպության խորհրդատուներ և Երկրի Հրովարտակի պատվիրակներ: Այնուամենայնիվ, Հանձնաժողովը այլևս չի զբաղվում Նախաձեռնության հսկողությամբ: Այդ լիազորությունը վերապահվել է Երկրի Հրովարտակի Միջազգային Խորհրդին:

ՄԵՀ Խորհուրդը

ՄԵՀ Խորհուրդը ղեկավարում է Երկրի Հրովարտակի Քարտուղարության աշխատանքը: Նա սահմանում է ՄԵՀ հիմնական նպատակները, քաղաքականությունը ու ռազմավարությունը և ապահովում է Նախաձեռնության քաղաքականության զարգացումը: ՄԵՀ Խորհուրդը իրավական անձ չէ: Խորհուրդը իր անդամների ընտրությունը կատարում է` խորհրդակցելով Երկրի Հրովարտակի համաշխարհային ցանցի կողմնակիցների հետ:

ՄԵՀ Քարտուղարությունը

ՄԵՀ Քարտուղարությունը, որը տեղակայված է Կոստա-Ռիկայի համալսարանում, ջանք է գործադրում կյանքի կոչելու ՄԵՀ Խորհրդի առաքելությունը, տեսլականը, ռազմավարությունը ու քաղաքականությունը: Այն աջակցում է Խորհրդի աշխատանքին, ռազմավարական ծրագրավորմանը և համակարգում է Երկրի Հրովարտակի բազմաթիվ միջոցառումները: Քարտուղարությունը ղեկավարում է Երկրի Հրովարտակի ներթափանցումը կրթական ոլորտ, կրոն, երիտասարդության կյանք, բիզնեսի ոլորտ, իրականացնում է կապը Երկրի Հրովարտակի լայն միջազգային ցանցի հետ, և օժանդակում է Երկրի Հրովարտակի կիրառումը որպես միջազգային ոչ պարտադիր իրավունքի փաստաթուղթ:

Հիմնական կատարողների դերը

1. Ընկերակիցներ
ՄԵՀ ընկերակիցներ են հանդիսանում անհատներ կամ կազմակերպություններ, որոնք կիսում են Երկրի Հրովարտակի գաղափարները և աջակցում են Երկրի Հրովարտակի տարածմանը և ՄԵՀ ռազմավարության կիրառմանը իրենց երկրներում: Ընկերակիցները, ՄԵՀ –ի հետ պաշտոնական համաձայնագիր կնքելով, դառնում են Երկրի Հրովարտակի տեղեկությունների և գործունեությունների աղբյուր իրենց երկրներում: ՄԵՀ Քարտուղարությունը համակարգում է Ընկերակիցների հետ համագործակցությունը, տրամադրում է ուղեցույցներ և նյութեր: Մեկ երկրում հնարավոր է մեկից ավելի Ընկերակցի առկայությունը: Ընկերակիցները համաձայն են սերտ կապ հաստատել ՄԵՀ-ի հետ և զեկուցել իրենց Երկրի Հրովարտակին առնչվող իրենց երկրներում տեղի ունեցող կարևոր միջոցառումների մասին: Իր հերթին, ՄԵՀ-ը պարտավոր է տեղեկացնել Ընկերակիցներին իրենց վերաբերող գլխավոր որոշումների և միջոցառումների մասին, տրամադրել որոշակի առաջնորդություններ, ռազմավարական խորհուրդներ և հաղորդակցման աջակցություն (որակը կախված է հնարավոր միջոցներից):

2. Գործընկեր կազմակերպություններ
Ռազմավարական գործընկեր են հանդիսանում այն կազմակերպությունները, որոնց գործունեությունը խթանում է Երկրի Հրովարտակի նախաձեռնությունը, կամ որոնց գործունեությունը համահունչ է Երկրի Հրովարտակի սկզբունքներին: Հիմնականում դրանք միջազգային կազմակերպություններ են, սակայն դրանց թվում են նաև առանձին ազգային կամ տեղական կազմակերպություններ: Գործընկեր կազմակերպությունները Երկրի Հրովարտակի միջազգային կազմակերպության հետ կնքում են համաձայնագրեր (օր. Համաձայնագրեր համագործակցության մասին, Փոխըմբռնման հուշագրեր, այլն):

3. Կողմնակիցներ
Երկրի Հրովարտակի կողմնակիցներն են ցանկացած անհատներ կամ կազմակերպություններ, որոնք պաշտոնապես հայտնել են Երկրի Հրովարտակի գաղափարների ու նպատակների շուրջ իրենց քաջալերության և աջակցության մասին: Երկրի Հրովարտակի կողմնակից կարող են լինել առանձին անհատներ, ինչպես նաև ցանկացած կազմով կազմակերպություններ: ECI քարտուղարությունը ակտիվ գործունեություն է ծավալում նախաձեռնությանը կողմնակից դարձնելու միջազգային և ազգային խոշոր կազմակերպություններին:

4. Կամավորականներ/աջակցողներ
Կամավորականներ կամ աջակցողներ են հանդիսանում այն կողմնակիցները, որոնք տրամադրում կամ նվիրում են Երկրի Հրովարտակին իրենց ռեսուրսները՝ ժամանակը, ֆինանսներ, կապերը, խթանում են դրա լայն քարոզարշավին, նաև կատարում այլ ներդնումներ` իրենց հնարավորությունների սահմաններում: Կամավորականների դերում կարող են հանդես գալ կազմակերպություններ, կառավարություններ, անհատներ:

Կամավորականները կամ աջակցողները Երկրի Հրովարտակի նկատմամբ ունեն կարգավիճակ, ինչպիսինն է սովորական ՀԿ-ների անդամների կարգավիճակը, այն բացառությամբ, որ Միջազգային Նախաձեռնությունը չի հանդիսանում ֆորմալ իրավական անձ, իսկ կամավորները իրենց կարգավիճակից ելնելով չեն հետապնդում որևէ ֆորմալ իրավունք կամ արտոնություն:

5. Խորհրդականներ
ՄԵՀ-ի խորհրդականներ են հանդիսանում համապատասխան ոլորտներում փորձագետ ճանաչված անհատները, որոնք կարող են ՄԵՀ-ի խորհրդի ու Քարտուղարության համար հանդես գալ որպես փորձի ու գիտելիքների աղբյուր և աջակցություն ցուցաբերել այդ կառույցների գործունեությանը: Որպես խորհրդականներ աշխատելու են հրավիրվում Երկրի Հրովորտակի գաղափարներին նվիրված բոլոր այն անհատները, ովքեր պատրաստ են իրենց գիտելիքներով ու փորձով ակտիվ աջակցություն ցուցաբերելու ՄԵՀ-ի Խորհրդին, Քարտուղարությանը ու Նպատակային խմբին, նաև, անհրաժեշտության դեպքում, դրանց մասնաճյուղ կազմակերպություններին: Խորհրդականներին նշանակում է Քարտուղարության Գործադիր տնօրենը:

6. Նպատակային խմբեր
Նպատակային խբմերը կոչված են գործելու որպես անկախ նախաձեռնությունների կամավոր միավորումներ: Նպատակային խմբերի խնդիրն է հանդիսանում ստեղծել ցանցեր և աջակցել գործունեության հետևյալ բնագավառներին՝ բիզնես, կրթություն, լրատվամիջոցներ, կրոն, Միացյալ Ազգերի Կազմակերպություն, երիտասարդություն: Համաձայն ՄԵՀ-ի Խորհրդի գործադիր կոմիտեի մտադրությանը Նպատակային խմբերում պետք է ընդգրկվեն Խորհրդի անդամները, անհատները, գործընկեր կազմակերպությունների ներկայացուցիչները, խորհրդականներ: ՄԵՀ –ի Խորհուրդը պարբերաբար կգնահատի յուրաքանչյուր Նպատակային խմբի աշխատանքը և առաջընթացը: Միևնույն ժամանակ ՄԵՀ-ի Խորհուրդը ու ՄԵՀ –ի Քարտուղարությունը մտադիր չեն անմիջականորեն ղեկավարելու կամ հսկելու Նպատակային խմբերի աշխատանքը: